Tirsdag 21. November 2017


 
Anne Persdotter Flugstad og Fred Dalbakk kom frå Hedmark til Dåfjorden med eit program som dei laga til Prøysen-jubileet i 2014. Foto: Kjetil Rydland. 

Bokbåten «Epos» med Prøysen-konsert

Dåfjorden fekk populært besøk fredag morgon, då bokbåten «Epos» la til ved Dåfjorden Slipp, og tok imot elevar og lærarar frå Sælevik skule. Denne gongen med gjester heilt frå Hedmark, som framførte ein Prøysen-konsert. 



Han kom på mange måtar til sine eigne, den tradisjonsrike bokbåten «Epos», då han la til i lag med ein liten armada med veteranbåtar som ligg til reparasjon ved det gamle vervet i Dåfjorden. Bokbåten har segla rundt i Hordaland, Sogn og Fjordane og Møre og Romsdal i over 50 år. Den 85 fot lange bokbåten blei bygt ved Fjellstrand i 1963, som den første aluminiumspassasjerbåten i verda.

 


Halvard Øvrevik Skartland frå Selevik skule er spent på kva Anne Persdotter Flugstad har med seg i sekken sin. Foto: Kjetil Rydland.

 

JADA JADA JA - Prøysen og skolen

Vanlegvis har bokbåten med seg eit spesielt underhaldningstilbod når dei kjem innom. På kystturneen sin denne gongen hadde dei med seg gjester heilt frå Hedmark. Anne Persdotter Flugstad og Fred Dalbakk kom frå Hamar, med ei teater-/konsertframsyning som dei hadde laga i høve  Prøysenåret i  2014. Anne og Fred er to allsidige aktører som har samarbeidd i mange år, og dei har framført fleire Prøysen-program for vaksne tidligare.

 
I konsertframsyninga «JADA JADA JA - Prøysen og skolen» er det skulen og skuleelevar som er tema. På programmet stod blant anna dei velkjende songane Helene Harefrøken, Bolla Pinnsvin, Nøtteliten og I Bakvendtland. Her møter me aktuelle tema frå skulekvardagen, som kommunikasjon, meistring, mangfald, farleg skuleveg og mobbing. 

 
Desse temaa kjem fram både i dei oppdaterte og moderniserte songtekstane og friske replikkar innimellom: «Det er farlig å GÅ til skolen. Det er jo så mye trafikk! Ja for alle foreldra kjører unga sine til skolen». «Åffer er du kjærest med hennar a, når det er så mange PENE jinter?». «Jasså så du kjøper klea dine på Cubus du! Mamma kjøpte denne til meg i London. Og den var IKKE på salg for å si det sånn». «Jovisst går unga i uniformer i norsk skole!»

 
Dei to artistane brukte ikkje alle versa i alle songane i den korte skuletimen dei hadde til rådvelde. På refrenga tok dei med ungane. Og Selevik-elevane nølte ikkje, men blei smitta av det gode humøret til artistane, og kasta seg ut i songen der det fall naturleg. 

 
I det intime lokalet om bord på «Epos» låg alt til rette for nærkontakt med det unge publikummet, som som klappa og jubla velvillig. Før dei fylte opp kassar og plastposar med bøker som dei tok med tilbake til kvardagen på Selevik skule.

 

Turné langs kysten

Då «Epos» la til kai ved Dåfjorden Slipp fredag morgon, kom han frå kom han frå Snilstveitøy i Kvinnherad. Dagen før hadde dei òg vore innom småplassar som Onarheim og Ølve. Etter det korte besøket i Dåfjorden gjekk turen vidare til Leirvik og den nynorske barnebokfestivalen Falturiltu. 

 


Helene Harefrøken hugsa endeleg på leppestiften sin! Foto: Kjetil Rydland. 



Elevane fekk ta på den fine «pelsen» til Helene Harefrøken. Foto: Kjetil Rydland. 

 


Rektor Elisabeth Kjærland og elevane sikra seg bøker hos bibliotekar Terje Haugsgjerd. Foto: Kjetil Rydland. 



Alise Raudova sikra seg eit par bøker før dei måtte gå tilbake til skulen. Foto: Kjetil Rydland. 

 


Han kom til sine eigne, bokbåten «Epos», då han la til kai ved Dåfjorden slipp fredag morgon. Foto: Kjetil Rydland. 

Butikkar og tenester i sentrum "Klikk for å sjå alle"

.

Heim med tre pokalar

19.11.2017 Helga Rimmereid

Under ferjeturen heim kunne Fitjar skulekorps jubla over gode resultat under årets Sotrafestival. Foto: Helga Rimmereid Heim med tre pokalar Fitjar skulekorps kom heim med heile tre pokalar etter korpskonkurransen Sotrafestivalen, laurdag...

Les meir ...

Vintercupen – haustens vakraste eventyr!

18.11.2017 Kjetil Rydland

Flagget opp for Vintercupen i ruskavêret på kunstgrasbanen. Foto: Kjetil Rydland.  Vintercupen – haustens vakraste eventyr! Fotballgruppa i Fitjar Idrettslag har avvikla den 26. vintercupen sidan starten i 1992, og endeleg fekk...

Les meir ...

Sindre Henriksen på pallen

18.11.2017 Håkon C

Skjermdump frå NRK. Sindre Henriksen på pallen I den forrykande verdscup-en på skeiser i Stavanger i helga med utruleg sterk norsk dominans kom og Sindre Henriksen på pallen.

Les meir ...
annonse

Tradisjonsrik julemesse

18.11.2017 Håkon C

Tradisjonsrik julemesse Leiar i Fitjar Husflidslag har mykje fint å ønskje velkomen til i Fitjartun. Foto: Håkon C. Hartvedt Dei held på tradisjonane Fitjar Husflidslag. Difor vart det ingen store overraskingar å...

Les meir ...

Utstilling i barndommens bygd

18.11.2017 Håkon C

Bjørn Bjørlykke orienterer om bileta. Foto: Håkon C. Hartvedt Utstilling i barndommens bygd Bjørn Bjørlykke voks opp i Fitjar, og budde her til far hans som var prest i bygda, flytta i...

Les meir ...

Tøffe tak i vintercupen

18.11.2017 Kjetil Rydland

Ole Bergesen har frose mykje til ære for Fitjar-fotballen, men her kan han til si store glede sjå at det nærmar seg gull for Bakken/Sentrum. Foto: Kjetil Rydland.  Tøffe tak i...

Les meir ...
annonse

Fagtorg "Klikk for å sjå alle"


Fitjar kyrkje – eit landemerke!

19.11.2017 Kjetil Rydland

Biskop Halvor Nordhaug i Fitjar kyrkje. Foto: Kjetil Rydland.  Fitjar kyrkje – eit landemerke! Fitjarkyrkja hausta mykje rosande omtale under jubileumsgudstenesta søndag føremiddag, då biskop Halvor Nordhaug gjesta kyrkja saman med fleire...

Les meir ...
Lansering av Fitjar minne 2017 - Fitjar sogelag 23. november kl. 18
Boklansering: Firmaet som sette Koløyo på kartet - www.fitjarposten.no