Tirsdag 21. November 2017


 

Fitjarkvartetten under eit Årsmøte i Øystese. F.v. generalsekretær Rolf Onarheim, Rasmus Rydland, Geir Vik, Rasmus Fitjar og Lars K. Vik. Foto: Privat

Løftar opp Fitjarkvartetten og diktinga til Lars K.Vik

– Me skal mimra litt om Fitjarkvartetten sine 20 aktive år, men diktinga til Lars Vik vil me spesielt ta for oss denne kvelden, seier arrangørane i forkant av den store Song- og Musikkvelden i FItjar Bedehus førstkomande torsdag.

Lars K. Vik var allereie kjent som ein dyktig revyskribent då han vart kristen på slutten av 1960-talet. Med trua vakna og ei ny åre i songskrivinga hans. Nokså snart etter dette såg  dei første kristne songane med tekst og melodi frå hans hand dagens lys. Songar og melodiar som på mange måtar vart tilpassa Rasmus Rydland og  Fitjarkvartetten som både Lars og Rasmus var med på å skipa, og som vart kjend langt utover Fitjar sine grenser. I tillegg til Lars og Rasmus R, var og Rasmus Fitjar og Geir Vik med i denne gruppa.

Den fyrste songen Lars dikta var julesongen «Det tindra ei stjerna» i 1969.  Den var mykje brukt rundt jul av kvartetten. No har Osternes Mannskor den i sitt repertoar.

Nær hundre songar
Så lenge Fitjarkvartetten dreiv, skreiv Lars over 50 songar og melodier. Totalt til i dag har han skrive 96 songar, den siste i 2010. Den songen som har vore mest brukt, er utan tvil «Ingenting er for vanskeleg for Gud» frå 1972, og det er ikkje overdrive å skriva at kristne musikklag i store delar av landet brukar denne og andre av Lars K. Vik sine songar. Ei rekkje kristne artistar har og sunge inn songar av Lars på CD.

Lars K. Vik Foto: privat

Song- og musikkvelden
Svein Tørnkvist har arrangert fleire av songane til Lars, både for Osternes Mannskor og for solistar i Fitjar Ad hoc. Desse blir framførte på Song og musikkmøtet på torsdag.

– Solistar denne kvelden er Tom og Arve Rydland, sønene til Rasmus, og barnebarnet til Rasmus, Silje Rydland, er og solist denne kvelden i tillegg til Gurid Refvik og Martin Hatlevik. Ole Christian Ottestad, dirigent, har med saksofonen og vil bidra på mange av songane, skriv arrangørane, og fortset:

– Fitjar Ad hoc har med Harald Rydland på trekkspel, Heine Helland på bass og Terje Træet på trommer. Ole Haukeland vil styra lyden, og Rolf Atle Rolfsnes har ansvaret for bilete og tekstar på veggen.Forsamlinga vil og få vera med og syngja på nokre av kora.

Kollekt til Helgatun
Det blir teke opp kollekt i møtet, der overskotet går til Helgatun Ungdomsheim. Fitjarkvartetten var sterkt knytta opp til Helgatun, og var blant anna med og song på inviinga der.

 

Frå ein songkveld i kyrkja. Foto: Privat

Butikkar og tenester i sentrum "Klikk for å sjå alle"

.

Heim med tre pokalar

19.11.2017 Helga Rimmereid

Under ferjeturen heim kunne Fitjar skulekorps jubla over gode resultat under årets Sotrafestival. Foto: Helga Rimmereid Heim med tre pokalar Fitjar skulekorps kom heim med heile tre pokalar etter korpskonkurransen Sotrafestivalen, laurdag...

Les meir ...

Vintercupen – haustens vakraste eventyr!

18.11.2017 Kjetil Rydland

Flagget opp for Vintercupen i ruskavêret på kunstgrasbanen. Foto: Kjetil Rydland.  Vintercupen – haustens vakraste eventyr! Fotballgruppa i Fitjar Idrettslag har avvikla den 26. vintercupen sidan starten i 1992, og endeleg fekk...

Les meir ...

Sindre Henriksen på pallen

18.11.2017 Håkon C

Skjermdump frå NRK. Sindre Henriksen på pallen I den forrykande verdscup-en på skeiser i Stavanger i helga med utruleg sterk norsk dominans kom og Sindre Henriksen på pallen.

Les meir ...
annonse

Tradisjonsrik julemesse

18.11.2017 Håkon C

Tradisjonsrik julemesse Leiar i Fitjar Husflidslag har mykje fint å ønskje velkomen til i Fitjartun. Foto: Håkon C. Hartvedt Dei held på tradisjonane Fitjar Husflidslag. Difor vart det ingen store overraskingar å...

Les meir ...

Utstilling i barndommens bygd

18.11.2017 Håkon C

Bjørn Bjørlykke orienterer om bileta. Foto: Håkon C. Hartvedt Utstilling i barndommens bygd Bjørn Bjørlykke voks opp i Fitjar, og budde her til far hans som var prest i bygda, flytta i...

Les meir ...

Tøffe tak i vintercupen

18.11.2017 Kjetil Rydland

Ole Bergesen har frose mykje til ære for Fitjar-fotballen, men her kan han til si store glede sjå at det nærmar seg gull for Bakken/Sentrum. Foto: Kjetil Rydland.  Tøffe tak i...

Les meir ...
annonse

Fagtorg "Klikk for å sjå alle"


Fitjar kyrkje – eit landemerke!

19.11.2017 Kjetil Rydland

Biskop Halvor Nordhaug i Fitjar kyrkje. Foto: Kjetil Rydland.  Fitjar kyrkje – eit landemerke! Fitjarkyrkja hausta mykje rosande omtale under jubileumsgudstenesta søndag føremiddag, då biskop Halvor Nordhaug gjesta kyrkja saman med fleire...

Les meir ...
Lansering av Fitjar minne 2017 - Fitjar sogelag 23. november kl. 18
Boklansering: Firmaet som sette Koløyo på kartet - www.fitjarposten.no