Sundag 22. Juli 2018



Velfortent kaffi og julekjeks på den godt kledde dugnadsgjengen i gapahuken. Foto: Kjetil Rydland. 

Dugnad på gapahuken

Ein liten gjeng flinke folk nytta det gode arbeidsvêret i går føremiddag til å få på plass skytja ved gapahugen ovanfor Kidnavatnet. 


I den litt kalde trekken laurdag føremiddag stilte ein liten gjeng gode dugnadsfolk opp ved gapahuken før soloppgang. Dagens jobb gjekk ut på å få på plass ei skytje for enden på den nye gapahuken. 

Tore Sigurd Fitja stilte med traktoren sin, og køyrde den nye vedabua, eller skytja, heilt fram. Ved hjelp av traktoren klarte han å buksera det vesle byggverket nesten heilt på plass. Toralv Røen hadde fått med seg "berre gode folk" i Bjørn Helle, Per Audun Kloster og Arne Devik, og dei brukte kort tid på å få den nye skytja heilt perfekt på plass for enden av gapahuken.

Godt verktøy og god kompetanse bidrog til at jobben blei kjapt og effektivt gjort. Tore Sigurd Fitjar har gjort større jobbar før, og han sørgde for at arbeidet blei kvalitetsmessig perfekt utført. Toralv Røen fyrte opp bålpanna og varma opp tettemassen. Dermed blei taket også lagt fagmessig på plass på taket. 

Etter vel utført arbeid blei det kaffi og julekjeks på den frosne, men glade dugnadsgjengen. Til glede for dugnadsfolka kikka sola opp over fjellkanten ein augneblink før ho forsvann igjen. Men om ei veke vil nok gapahuken ha solskin eit par timer lenger enn i dag.

Toralv Røen hengde opp gjesteboka og vaktlista over dei som skal halda orden i og ved gapahuken det komande halvåret. Han fortel at det har meldt seg fleire frilvillige enn det er bruk for. Dei siste som har meldt seg, står på venteliste, og får ikkje vera med på vaktilista før til hausten! Røen legg ikkje skjul på at han synest det er gildt å samarbeida med så velvillige og flinke folk som me har i Fitjar. 

No begynner arbeidet på den nye gapahuken å bli ferdig, og ein del verktøy blei frakta ned på traktoren til Tore Sigurd Fitjar. Røen lovar ein endeleg opningsseremoni ved gapahuken til våren. 

 


Ein god traktor og ein god mann er godt å ha når ein skal ha gjort ein dugnadsjobb. Foto: Kjetil Rydland. 

 


Skytja blir teken imot av berre gode folk, Bjørn Helle, Per Audun Kloster, Toralv Røen, Arne Devik og Tore Sigurd Fitjar. Foto: Kjetil Rydland. 

 


Tya er ein arbeidsmann som kan det meste. Foto: Kjetil Rydland. 

 


Eldsjel Toralv Røen gjer opp eld i tyri. Foto: Kjetil Rydland.



Tettemassen til taket måtte varmast opp. Foto: Kjetil Rydland. 

 


Toralv Røen hengjer opp vaktlista. Foto: Kjetil Rydland.

 


Og om litt er kaffen klar. Foto: Kjetil Rydland

Butikkar og tenester i sentrum "Klikk for å sjå alle"

.

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Fagtorg "Klikk for å sjå alle"


Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse