Sundag 22. Juli 2018



Gang rundt juletreet høyrer sjølvsagt med på julefesten i Osternes bedehus. Foto: Kjetil Rydland.

Alt ved det gamle på Gamlefesten

Osternes bedehus trekte på nytt fullt hus då den tradisjonelle julefesten blei skipa i går, på sjølvaste trettande dag jul. Songen og maten og stemninga elles var som vanleg av beste merke.

 

Denne julefesten blir skipa til den første laurdagen i januar kvart år, og i år fall denne på trettande dag jul, eller heilgtrekongarsdag. Det er ein særs tradisjonsrik fest det er snakk om. Ifølgje Marta Hageberg blei "Gamlefesten" starta opp av Husmorlaget heilt tilbake i 1946. Ho kom til Landa i Osternes-krinsen i 1958, og har vore med på denne tradisjonsrike festen kvart år sidan 1960. 


Marta fortel at rundt tusenårsskiftet tok dei to misjonsforeiningane i Osternes-krinsen over arrangementet. Det er kvinneforeinigane til Misjonssambandet og Det Norske Misjonsselskap. Leiar for arrangementet i går var svigerdotter til Marta, Åse Hageberg. 



Marta Hageberg har snart budd i Osternes-krinsen i 60 år, og har vore med på julefest kvart år sidan 1960. Foto: Kjetil Rydland. 

 

I si tid blei det skipa til tre juletrefestar i Osternes-krinsen, ein barnefest og ein ungdomsfest, i tillegg til Gamlefesten. Etter kvart har dei to andre festane døydd ut, men Gamlefesten lever i beste velgåande. Det fekk me eit levande prov på i går kveld. I kjellaren var det dekt på til mellom 70 og 80 menneske, og etter det me kunne sjå, var det på det nærmaste fullt. 


Med stødig røyst kunne Nils Ingmar Hageberg ønskja velkomen til den eldre garde frå Osternes-krinsen, i tillegg til ein del utflytta osternesingar frå fjern og nær. Tradisjonen tru stilte Osternes mannskor opp med vakker song under leiing av Ole Christian Ottestad. Eli Simonsen gledde forsamlinga med diktlesing, denne gongen med flotte tolkingar av dikt om stjerner og vismenn. Forfattarane var Heinrich Heine, Ole Paus, Kolbein Falkeid, og Einar Skjæråsen. Sistnemnde sitt dikt "Ledestjerne" er så vakkert at me siterer litt: " ... Gi oss en stjerne å feste øynene på! ... Gi oss ennå å bryte opp som de vise menn. Gi oss i natt en stjerne, og gi oss å følge den."


Andaktshaldar i går var Anne Marie Røed, som heldt eit lite historisk foredrag om dei tre vismennene frå Austerland som følgde stjerna og hamna i Jerusalem då dei kom for å hylla det nyfødde barnet Jesus. Ein litt spesiell andakt, som vekte stor interesse hos den modne forsamlinga. 
 


Anne Marie Røed held andakt over teksten i Matteusevangeliet om dei tre vismennene frå Austerland. Foto: Kjetil Rydland.


Men osternesingane baud ikkje berre på mat for sjela. I kjellaren hadde Solfrid Sandvik, Inga Skumsnes, Sigrfrid Skumsnes og Torunn Lillenes dekt på med herlege smørbrød. Sjølv om kjellaren var full av svoltne gjester og snittane var av beste slag, greidde me ikkje å eta opp alt. Og etter kvart blei me teppebomba med dei lekraste kaker, med rikeleg fløyte og all slags godt. Mat kan osternesingane, og dei hadde ikkje spart på noko!


Etter maten blei det tradisjonell juletregang med to ringar rundt den flotte edelgrana frå Landa. Og etterpå gledde Harald Johan frosamlinga med opplesing. Halvard Wiik sin humoristiske artikkel "Eit naudsynt ærend", om bankbesøket på Leirvik, vekte stor jubel. 

Festen blei avslutta på tradisjonelt vis med "Deilig er jorden". Då hadde osternesingane vist kvarandre og oss som kom utanfrå at dei gode tradisjonane lever i beste velgåande. Me takkar for oss, og kjem gjerne tilbake!

 


Mykje god mat og rundt 75 svoltne gjester i kjellaren. Foto: Kjetil Rydland. 



Aud Refvik og Guro Tveit risikerer ikkje å gå svoltne heim. Foto: Kjetil Rydland. 

 


Eli Simonsen, Anne Grete Hatlevik og Martin Hatlevik engasjerte seg sterkt i quizkonkurransen, men dei klarte likevel ikkje å hevda seg. Foto: Kjetil Rydland.  

 

 

Butikkar og tenester i sentrum "Klikk for å sjå alle"

.

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Fagtorg "Klikk for å sjå alle"


Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse