Sundag 22. Juli 2018


 
Odd Sverre Larsen med varm mat i butikken. Foto: Kjetil Rydland.

2017: Eit godt år for daglegvarehandelen i Fitjar 

Begge dei to store daglegvarebutikkane våre på Fitjar melder om god omsetnad i 2017, Spar går litt opp og Rema 1000 går ørlite ned. Og framleis er dei omtrent jamstore i omsetnad. 



Dagleg leiar Odd Sverre Larsen i Spar Fitjar fortel til Fitjarposten at butikken hans hadde ein auke i netto omsetnad på rundt 2 % i fjor samanlikna med 2016. 


I fjor kom netto omsetnad (ekskl. moms) opp i nesten 45 millionar, mot knappe 44 millionar året før. Odd Sverre konstaterer at det går rette vegen, noko han sjølvsagt er godt fornøgd med. 


Odd Sverre konstaterer med glede at kundetalet (antal kundebesøk) har gått opp frå knapt 229 000 i 2016 til vel 232 000 i 2017. Litt fleire kundar har vore innom, og kvar kunde har handla litt meir. Til saman gir dette ein klart positiv tendens. Tatt i betraktning den harde konkurransen både innanbygds og utombygds er dette svært gledeleg, synest den lokal kjøpmannen.


– Me utøver lokalt eigarskap med ein stab av dyktige og stabile tilsette, og me er opptekne av nærleiken til fitjarbuen og dei som besøkjer bygda vår, understrekar Odd Sverre Larsen. Han legg ikkje skjul på at dei er heldige som driv butikk i ei bygd som utviklar seg positivt, med mykje aktivitet. På Spar Fitjar ønskjer dei å halda oppe det lokale engasjementet og styrkja identiteten til fitjarbygdo.


Den viktigaste konkurrenten til Spar Fitjar, Rema 1000, ser ut til å liggja eit ørlite hestehovud føre daglegvarebutikken midt i sentrum. I 2016 låg dei godt over 47 millionar i netto omsetnad. 


Kjøpmann Jan Stian N. Taule seier til Fitjarposten at han vonar talet for 2017 kjem opp mot førre året. Om ikkje det når heilt opp mot 2016, blir det berre snakk om ein nedgang på under ein prosent, trur Taule. 



Rema-kjøpmann Jan Stian Taule kjem gjerne med overraskande stunt i år òg. Foto: Kjetil Rydland. 


Som kjent gjorde han eit stunt som blei lagt merke til rett før jul, då han heldt ope natt til litlajulafto. Dette hadde ikkje den store innverknaden på omsetnaden, men han fortel at det var vellukka. Han var sjølv på jobb den natta, og dei hadde bra med kundar fram til i halv tre-tida. Taule kan ikkje lova noko liknande stunt med det første, og det blir ikkje til jul i år. 

– Men eg likar å finna på artige ting, seier den blide kjøpmannen. Så me kan sikkert venta oss ei og anna overrasking i år òg. 


Joker-butikken på Rydland er veslebroren i daglegvarehandelen i Fitjar. Dei opererer med rundt 7 mill. i netto omsetnad, og kan såleis ikkje konkurrera med dei to store. Dei ser likevel ut til å klara seg bra, og fungerer som ein svært kjær møteplass for folk oppe i Øvrebygda, og for folk som tar ein kjapp stopp på veg heim frå jobb på Stord.

Butikkar og tenester i sentrum "Klikk for å sjå alle"

.

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Fagtorg "Klikk for å sjå alle"


Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse