Sundag 22. Juli 2018



Kjell Håvik og Elin Korneliussen med kvar sin Kvikk lunsj etter ein hårfin siger under gårsdagens quiz. Foto: Kjetil Rydland.

Seniorane kvesser hjernen med quiz

Moderate premiar, men særs god stemning var det under gårsdagens quiz på Seniorsenteret, og ikkje uventa gjekk laget Håvik og Abotnes heilt til topps. 


Den første onsdagen månaden samlast ein gjeng pensjonistar og andre seniorar til fredeleg kappestrid og kaffi på Seniorsenteret. Gårsdagens quiz var den første i det nye året, og vel 20 kunnskapsrike seniorar møtte opp.


Eldsjel i tiltaket, Johannes Nesbø, fortel at dei plar vera mellom 20 og 25 kvar gong, og har dei først vore med ein gong, kjem dei gjerne tilbake! Oppgåva med å førebu kveldens quiz går på omgang. I går var det Nils Olav Hystad som hadde laga til ein solid bunke spørsmål. Andre quizmeistrar i gjengen er Kjell Håvik, Per Johan Vestbøstad og John Abotnes. 


Kveldens quizmeister hadde sett saman ei skikkeleg variert spørsmålssamling med vanlege kategoriar som "Lett blanding", "Vestlandet", "Søta bror", "Gudar og heltar", Skjulte dyrenamn", "På skattejakt i vinmonopolets hyller", "Kven var først" og ein del ja-/nei-spørsmål frå ulike felt. 


Det viste seg snart at vanskegraden var høveleg. Dei fleste greidde å svara på ein god del spørsmål, men Nils Olav hadde funne fram ei og anna nøtt som ingen greidde. 


100 skriftlege spørsmål blei delte ut i to omgangar, med ein skjerpande kaffipause imellom. Oppteljinga synte favorittsiger til laget med Elin Korneliussen, Kjell Håvik og Halldis og John Abotnes. Med 92 poeng var dei eit lite hestehovud føre lag nummer to. 


– Det hjelpte ikkje å få Kjetil på laget heller! klaga eldsjel og konkurrent Johannes Nesbø, som måtte konstatera ein ny siger til favorittane. Men alt i var folk godt fornøgde med spørsmåla, som var høveleg vanskelege. 


Og lagkamerat Rasmus Fitjar var godt fornøgd. – Dette var akkurat passe vanskeleg, meinte han. Spørsmåla bør ikkje vera for lette. – Men når så flinke folk er samla, bør me klara minst 50 %, elles er det for vanskeleg!


Med fem bord var det rimeleg bra konkurranse i går, men det er plass til fleire. Neste sjanse til å vera med seniorane på quiz kjem onsdag 7. februar. 

 

 
Inger C. Fitjar, Rasmus Fitjar, Inger Nesbø og Johannes Nesbø i djup konsentrasjon, men det heldt berre nesten denne gongen. Foto: Kjetil Rydland. 

 

Butikkar og tenester i sentrum "Klikk for å sjå alle"

.

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Fagtorg "Klikk for å sjå alle"


Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse