Sundag 22. Juli 2018



Halvard Wiik, Per Audun Kloster og Toralv Røen ved Mølle 1 etter gårsdagens innsats på fjellet. Foto: Kjetil Rydland. 

Nye skilt i Fitjarfjellet

I går plasserte Toralv Røen og dei ivrigaste hjelparane hans ut dei første av ein heil stabel nye skilt som skal gjera det lettare å finna fram i Fitjarfjellet.

 

I går kom ein liten dugnadsgjeng i gang med å transportera ut og montera nye turskilt i Fitjarfjellet. Skiltprosjektet er ei forlenging av arbeidet med det nye turkartet som Stord Fitjar Turlag fekk laga i fjor, og eit arbeid med å merkja stiar inn og ut av vindmølleparken i Midtfjellet, og i området rundt Kidno.

På Fitjar-sida har Toralv Røen og Per Audun Kloster stått i fremste rekkje i arbeidet med kartet, og merkinga av stiane. Etter kvart har dei fått med seg ein solid dugnadsgjeng som har vore med på jobben ute i terrenget. Men dei to spreke pensjonistane kviler ikkje, og no er dei i full gang med å få ut turskilt. 

Dette blir tredje delen av ei større oppgradering av Fitjarfjellet som turmål også for folk som ikkje er lokalkjende. Fitjar kommune, Fitjar fjellsameige, Midtfjellet Vindkraft, Gjensidigestiftelsen og Stord Fitjar Turlag er alle med og støttar prosjektet økonomisk.

Til denne merkinga har det blitt laga over 100 namneskilt som skal ut i terrenget. Det er eit heilt puslespel å få dette inn i eit oversiktleg system. Her har Anne Kathe Helle gjort ein formidabel jobb, som lettar arbeidet for Toralv Røen og medhjelparane hans. 

I går fekk den vesle dugnadsgjengen plassert ut skilt ved Svartavatnet, Midtvatnet og Mølle 1, men det står att om lag 100 skilt. Alt dette bør ut snart, og dei som har lyst å vera med på jobben er velkomne til å ta kontakt med anten Toralv Røen eller Per Audun Kloster. Dei treng  hovudsakleg hjelp til å bera stolpar ut i terrenget.


Per Audun Kloster og Toralv Røen sit utanfor gapahuken og studerer kart og annan dokumentasjon. Foto: Kjetil Rydland.

 


Vater må til, meiner Per Audun Kloster t.v. og Toralv Røen. Foto: Kjetil Rydland. 

 


Halvard Wiik t.h. har vakse opp med hesjing, og har ei stødig hand både om spettet og sleggja. Foto: Kjetil Rydland. 

 


Halvard Wiik legg steinane skikkeleg på plass i utløpet av Svartavatnet. Foto: Kjetil Rydland. 

 


Blømande kvitlyng og anna fint kan me studera som har tid og auga for slikt. Foto: Kjetil Rydland. 

Butikkar og tenester i sentrum "Klikk for å sjå alle"

.

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Fagtorg "Klikk for å sjå alle"


Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse