Torsdag 21. Juni 2018



Linnea Vestbøstad scora fire mål og var ei konstant plage for Stord-forsvaret. Foto: Kjetil Rydland.

Opprykk for jentene etter utklassingssiger

Jentelaget i 15-årsklassen var fullstendig overlegne i kveldens kamp mot Stord 2 på Fitjar-graset, og vann 8-0 etter fire scoringar i kvar omgang.

 

Toarlaget til Stord blei ingen målestokk for serieleiarane frå Fitjar, som stilte på heimebane i idrettsparken måndag kveld. Med nesten 50 heimesupporterar i ryggen i den sure sommarkvelden var 15-årsjentene til Fitjar fullstendig overlegne. Før pause var det knapt meir enn eitt lag på banen. 

Lagkaptein Marion Træet opna scoringane etter rundt fem minutts spel. Ho fekk ein fin pasning frå høgresida og scora sikkert frå kort hald. "Som normalt" scora Linnea Vestbøstad tre typiske goalgettermål utover i første omgang. 4-0 til pause var ikkje eitt mål for mykje; det kunne gjerne vore det doble etter spel og sjansar.

I byrjinga av andre omgang kom Stord-jentene litt meir med i kampen. Men då Marion Træet la på til 5-0 etter eit kvarters spel, var det heilt slutt. Derfrå og inn var det berre Fitjar.

Siren Vik scora to mål og Linnea Vestbøstad scora sitt fjerde for kvelden. Dermed enda kampen med utklassing 8-0. Men det kunne lett ha sett endå styggare ut for Stord; Fitjar hadde rikeleg sjansar til å vinna tosifra denne gongen.

På Fitjar sitt lag var det dei tre målscorarane som merkte seg ut, ikkje berre med måla, men med mykje godt spel. Elles er det kjekt å sjå at Fitjar har eit heilt lag av bra fotballspelarar. 15-årslaget er eit av dei mest spelande laga me har hatt i Fitjar, med spelarar som viser imponerande god fotballforståing. 

Med kveldens siger i boks har Fitjar vunne sju strake sigrar i vårsesongen, og leier puljen sin med 21 poeng. Dette er det ingen av dei andre laga som kan nå igjen, og jentene kan innstilla seg på 1. divisjon i haustsesongen. Me gratulerer jentene og trenarapparatet med velfortent opprykk! 

 

 


Eit typisk syn på Fitjar-graset måndag kveld; Siren Vik med ballen og ein Stord-spelar som kjem halsande bak. Foto: Kjetil Rydland. 

 

Fitjar – Stord 2: 8-0 (4-0)

Seriekamp Jenter 15 2. divisjon avd. 02

Fitjar idrettspark måndag 11. juni kl. 20.00

Publikum: 50

Dommar: Ruben Træet, Fitjar

Mål: 1-0 Marion Træet (6. min.), 2-0 Linnea Vestbøstad (21. min.), 3-0 Linnea Vestbøstad (26. min.), 4-0 Linnea Vestbøstad (31. min.), 5-0 Marion Træet (55. min.), 6-0 Siren Vik (58. min.), 7-0 Linnea Vestbøstad (66. min.), 8-0 Siren Vik (72. min.).

Fitjar sitt lag: Tuva Nysæther, Sofie Rimmereid, Anna Sandvik Bø, Tori Vestbøstad, Marion Træet (kaptein), Mia Volden, Siren Vik, Linnea Vestbøstad, Mathilde Kloster, Mari Hatlevik, Romante Zemgulyte, Leen Bader, Emilie Skram Isdahl, Live Bukkholm Stegane og Ida Marie Sandvik.

Butikkar og tenester i sentrum "Klikk for å sjå alle"

.

Fitjar har det dyraste byggesaksgebyret …

20.06.2018 Jonas Sætre

Fitjar har det dyraste byggesaksgebyret i Hordaland Medan Granvin kommune tek 4610 kroner i byggesaksgebyr, tek Fitjar komune heile 28.000 kroner for å gjere den same jobben.

Les meir ...

Samisk dag på Selevik skule

20.06.2018 Kjetil Rydland

Elevane har sett opp lavvoane, og Colin Alexander Peitisch viser at han har godt tak på lassoen. Foto: Kjetil Rydland.  Samisk dag på Selevik skule Friluftsrådet Vest skipa til "Samisk dag" for...

Les meir ...

Fitjar Mekaniske skriv kontrakt om nødsl…

20.06.2018 Kjetil Rydland

Eigenutvikla nødslaktefartøy skal byggjast ved Fitjar Mekaniske Verksted.  Fitjar Mekaniske skriv kontrakt om nødslaktefartøy Fitjar Mekaniske Verksted skreiv i går kontrakt med Austevoll-selskapet Servicebåt As om bygging av eit nødslaktefartøy med eigenutvikla...

Les meir ...
annonse
annonse

Variert haust med Temakveldgruppa i Fitj…

19.06.2018 Kjetil Rydland

Alverflaten Jazzband med konsert i Fitjar kyrkje under Fitjarfestivalen 9. august.  Variert haust med Temakveldgruppa i Fitjar kyrkje Haustprogrammet for temakveldene i Fitjar kyrkje er klart, skriv Eli Simonsen, som kan lova ein...

Les meir ...

Bilcross i Bergen: Første- og andreplass…

17.06.2018 Kjetil Rydland

Oliver A. Matre og Ailin Vik jublar over topp innsats i Bergen. Foto: Kjetil Rydland.  Bilcross i Bergen: Første- og andreplass til Fitjar Oliver André Matre vann den fjerde runden i bilcross-VM...

Les meir ...

Ferieavvikling ved Fitjar legesenter

17.06.2018 Kjetil Rydland

 Fitjar legesenter. Foto: FP-arkiv / Harald Johan Sandvik. Ferieavvikling ved Fitjar legesenter Frå helse- og sosialsjef Anne Økland har me fått ei oversikt over når legane ved Fitjar legesenter tek ferie. Sjå...

Les meir ...
annonse

Fagtorg "Klikk for å sjå alle"


Betelskipet tilbake til Fitjar

21.06.2018 Håkon C

Betelskipet tilbake til Fitjar   Betelskipet «Elieser 6» kjem tilbake til Fitjar på fredag, legg til ved Engevik & Tislevoll og har kveldsmøte om bord.

Les meir ...
annonse